Shugaban mulkin soji na Jamhuriyar Nijar, Janar Abdourahamane Tchiani, ya gabatar da muhimmiyar jawabi a babban taron kasa da kasa da aka gudanar a Niamey. A cikin wannan jawabi, ya yi magana kan siyasar Nijar, tsaro, da makomar kasar. Ku kalli cikakken bayani domin fahimtar matsayar gwamnatin Nijar kan al’amuran da suka shafi yankin Sahel da Afrika gaba daya.
A ranar Laraba, 26 ga Maris, 2025, Janar Abdourahamane Tchiani, shugaban gwamnatin sojin Nijar, aka rantsar da shi a matsayin shugaban rikon kwarya na kasar na tsawon shekaru biyar, bisa ga sabon tsarin mulki da ya maye gurbin kundin tsarin mulkin da ya gabata.
Tchiani, tsohon sojan da ya jagoranci juyin mulki a watan Yuni 2023 wanda ya kifar da gwamnatin da aka zaba ta dimokuradiyya, ya samu karin girma zuwa mukamin babban janar na soji. Haka kuma, ya rattaba hannu kan dokar rushe dukkan jam'iyyun siyasa, matakin da ya kara tabbatar da ikonsa tun bayan juyin mulkin.
Sabon tsarin mulkin rikon kwarya ya tanadi yin kuri'ar raba gardama kafin a kafa sansanonin sojojin kasashen waje a Nijar, sai dai shugaban kasa na da ikon bayar da izini ta hanyar dokar shugaban kasa a gaggauce. A halin yanzu, Nijar na da dangantaka ta soji da Rasha, bayan korar sojojin Amurka da Faransa daga kasar.
Wannan mataki na gwamnatin sojin ya saba da kokarin da kungiyar raya tattalin arzikin kasashen yammacin Afrika (ECOWAS) ke yi na ganin an mayar da mulkin dimokuradiyya cikin gaggawa. Tun bayan juyin mulkin, Nijar ta fuskanci suka kan takaita 'yancin jama'a da kuma gazawa wajen dakile hare-haren 'yan jihadi, wanda sojojin suka ce shi ne dalilin karbar mulki.
Masu fashin baki sun bayyana cewa wannan sabon tsarin mulkin rikon kwarya zai bai wa Rasha damar fadada tasirinta a yankin Sahel, musamman ma tare da hadin gwiwar kasashen Mali da Burkina Faso, wadanda suma ke karkashin mulkin soji.
